Presidenti i fundit i Bashkimit Sovjetik, Mikhail Gorbachev, i cili vdiq sot në moshën 92-vjeçare, ishte i zhgënjyer dhe i zemëruar me presidentin aktual rus, Vladimir Putin, para vdekjes së tij.

Këtë e tha për American Neësëeek në korrik të këtij viti miku i tij i ngushtë i Mikhail Gorbachev, gazetar dhe kritik i shquar i Kremlinit Aleksey Venediktov, i cili ishte në kontakt edhe atëherë me ish-udhëheqësin sovjetik, transmeton portal arbresh.info

Sundimi i Mikhail Gorbaçovit karakterizohej nga konceptet e “glasnost” dhe “perestrojka” (hapje dhe reforma), politika që mundësonin liri më të madhe të fjalës dhe reforma ekonomike që ulën në mënyrë drastike tensionet ndërmjet Perëndimit dhe Moskës.

Që kur Putin urdhëroi pushtimin rus të Ukrainës më 24 shkurt, Rusia ka miratuar një sërë ligjesh autoritare që, për shembull, bëjnë të mundur burgosjen e kujtdo që kundërshton publikisht luftën. Filloi persekutimi total i të gjithë kritikëve të Kremlinit dhe sulmi ndaj Ukrainës. Venediktov, i cili ishte kryeredaktor i radios Moskovskii Eko, u detyrua ta mbyllte stacionin.

Ndërkohë, NATO forcoi ndjeshëm praninë e saj në Europën Lindore në përgjigjje të agresionit rus dhe Moska u gjend në izolim ndërkombëtar për shkak të sanksioneve të rënda të vendosura ndaj saj nga Perëndimi.

“Gjithçka që bëri Mikhail Gorbachev është shkatërruar,” tha Venediktov, më pas shtoi: “Të gjitha reformat e tij janë reduktuar në zero. Mbeten vetëm hiri dhe tymi”./arbresh.info/